-->
recent

نكت طازه - النكت الجديده

recent
recent
جاري التحميل ...
recent

مواقف اشخاص اغبياء الجزء الاول

مواقف اشخاص اغبياء للغايه شعرو فيها انهم اكبر الاغبياء بل اكثر الناس غباءا سيتم سردها هنا في موقع نكت مصريه سيتم سرد القصص من خلال الاشخاص انفسهم و الضحك سيكون من نصيبك فلا تبخل علينا بنشر الموضوع علي اصدقائك و عمل فولو للصفحه و متابعه

الجزء الاول من مواقف اغبياء

مواقف اغبياء

  • كنت رايح التمرين ومعايا كيس حاطط فيه فوطه + تيشيرت التمرين.. المهم نازل قامت الحاجه الله يبارك ف عمرها قالتلي خد كيس الزباله دا معاك خت الكيس وروحت عند الزباله قومت بدال ما ارمي كيس الزباله رميت كيس التمرين وخت كيس الزباله معايا لحد الجيم بفتح الكيس عشان اخد التيشيرت لقيت كيس الزباله ف ايدي وقفت دقيقه حداد علي الذكاء الخارق اللي انا فيه 
  • لا خد بقى الموقف ده فى مره كنا داخلين نصلى العصر فدخلنا الجامع لقيناهم لسه مقاموش فدخلت الحمام اتوضا لقيت راجل كبير ف السن فدخل هو كمان يتوضا وكانو لسه ما اقاموش الصلاه فبتوضا لقيتهم قامو الصلاه ببص لقيت الراجل الكبير ده خارج من الحمام وبيقولى هم قامو الصلاه ؟ قولتوا اه .. قالى احا احنا 
  • كنت راجع.من الشغل معايا شنطه فيها ورق وقزازة تلج ركبت الميكروباص وحطيت الشنطة علي رجلي .عشر دقايق لقيت.نفسي غرقان ميا من ورا.وقدام والورق باش قولت ف داهيه الورق المهم هروح.ازاي فانزلت لسة ممشيتش خطوتين لقيت عيل صغير ماشي مع امه بيقولها ماما ماما عمو عامل فطيره اقسم.بالله.ماجالي قلب الف وشي ارد علية وبقيت ماشي مبتسم والناس كلها بصالي كنت عايز اكتب ورقة والله ماشاخخ علي نفسي دي مية واعلقها علي صدري
  • راجل كبير ماسك عصايه ولابس نظاره شمس وبالليل وقدامه كلبين وعمال يحرك العصايه يمين وشمال انا إفتكرته كفيف قؤلت اروح اساعده اشوفه محتاج ايه ولا خايف يتحرك عشان الكلاب المهم روحتله الكلاب مشيت ومحصلش حاجه لقيته ماسك في ايده مفتاح اخدته منه وفتحتله الباب بتاع البيت وجيت امسك ايده راح قالي شكراً ومره واحده طلع موبايله وبيبص فيه قولتله ايه ياعم انت مش كفيف قالي لأ قؤلتله طب والعصايه قالي ياعم دي بتاعت خيل ووقع من الضحك وانا اتكسفت فشخ بس مسكتش قؤلتله ياعم طب لابس نظاره شمس وباليل ليه ياعم قالي عندي حساسيه والكلبين في الاخر طلعو بتوعه ودخلو البيت معاه 
  • مفيش كنت صغير وكنت أول مره اشتري هاند فري المهم التليفون فصل فبشحنه قولت اجرب لو حطيت وصلة الهاند فري في الكهرباء هيحصل ايه لبست السماعه وحطيت الوصله من هنا ودماغي اتكهربت كنت واقف عينيا 
  • بكلم واحدة صحبتي علي الفيس كنت لسه بتعرف عليها وكده فهيا في ثانوية عامة فكانت قيلالي انها ادبي و كده فقالتلي نفسي انجح و ادخل كلية كويسة فقولتلها لا ان شاء الله تدخلي صيدلة حلوان و تبقي معايا في الجامعة فقالتلي انا ادبي فقولتلها ايه فهمتك تبقي نفسك في كلية علوم قالتلي تاني انا ادبي قولتلها يبقا انتي كده طماعه و عوزة كلية طب فذاكري كويس بقا علشان دي عوزة مذاكرة من نار فراحت قيلالي يا غبي انا ادبي انا شفت غبي دي افتكرت انها ادبي ومن ساعتها وانا حاسس بغباء فظيع

مواقف اغبياء

  1. مره کنت ف الشغل وفی ضغط شغل جامد ومستعجل ف حد قالی رقم ومکنش فی وقت ادور ع ورقه وقلم المهم ببص جمبی لقیت القلم وکتبت الرقم ع ایدی ولما خلصت بعدها بشویه ببص ف ایدی لقیت الرقم ف مسکت القلم وشطبت الرقم اللی ع ایدی ف الوقت دا بس حسیت انی اغبی بنادم ف الدنیا
  2. كنت فاتح محل فوانيس نزلت واحده من عربيه فخمه وشكلها ملهاش ف الفصال وكده اختارت فانوس وقالت لي عاوزه ٣ بكام الواحد فقلت لها ب ٧٠ ج قعدت تفاصل خليتو لها ب ٦٠ قالت لي كده ال ٣ بكام قلت لها ب ٢١٠ وادتهمولي
  3.  هو فيه مواقف كتير بس انا افتكرت ده 
    كنت رايح الجامعه وبلم الاجره ف الميكروباص وبعد مالميت الاجره واديتها للسواق طلع فيه جنيه ناقص والسواق سال الركاب كلهم مين الي دفع اجرته ناقصه راح كله قال ان دفع اجرته كامله راح السواق رجع لكل واحد فلوسه وفيه واحد دفع الجنيه الجنيه الناقص من جيبه وبعد مانزلنا من العربيه اتلقيت الجنيه الي كان ناقص ف ايدي 
  4.  كنت في مصيف مرة المهم راكبين مركب وكدا وماشين في نص المياة وأنا معايه ازازة مياه عايزة ادلوقها لقت واحد قاعد بقولو لو سمحت ادلوق المياة دى فين لقيتو بيبصلي ويضحك والناس كلها فصلت ضحك وأنا فين وفين استوعبت أننا في قلب البحر 
  5. كنت فى عزه جدى وى مكنتش لسه اعرف عيلتى كويس 
    وى كنت ماسك صنيا شاى كبيره وى ماشى بيها 
    وى واحده خبطيتنى وى انا ماشى رحت قولتلها مش تفتحى 

    راحت قالتلى افتح مين يا حيوان انتا لم لسانك 
    راحت ضربتنى على دراعى جامد 
    وى كنت وى انا ماشى عمال بهرى فى نفسى انى مخنوق منها وى عايز 
    اتخانق معاها دخلت لى امى مطبخ وى قولتلها بقولك ايه فى واحده خبطيتنى وى ضربتنى 
    انتى لو مجبتليش حقى دلوقتى انا هخرج اعمل فضيحه قالتلى طيب شكلها ايه 
    قولتلها مديا على شكل واحده خلجيه وى عايشه فى دور 
    قالتلى طيب استنا نخلص وى اشوفها 
    فا دخلت صلون فيه حريم كلها وى ماسك صنيا تانيه 
    لقتها قاعده جنب امى وى انا من كتر غضبى 
    بى علو صوتى بقولها هيا ست دى يا امى الى ضربتنى وانا مردتش اتكلم 
    كل الى فى صالون ضحكو راحت امى قالتلى دى خالتك ياهبل 
    صنيا وقعت من ايدى وى اختفيت يوم دا كله مورتش وشى لحد
  6.  كنت شغال ف سوبر ماركت وكنت تعبان وعاوز انام ف واحده جابت اشترت شويه حاجات و من ضمنهم برطمان صلصه ف انا كنت بحسب لها الحاجه ف فتحت الشنطه وبحط الحاجه جواها قمت حاتط الاله الحاسبه ف الشنطه و ماسك برطمان الصلصه بحسب عليه وهي تبص وتضحك وانا مش واخد بالي بتضحك ليه
  7. كنت قاعد قاعدة روقان وبتفرج علي التليفزيون وكله تمام وكان معايا شوية سوداني وكنت جايب سلة زباله جمبي عشان القشر المهم قولت اقشر السوداني كله الاول وبعد كده اكل براحتي وانا بتفرج علي التليفزيون وقشرت السوداني كله وعملت كوم قشر وكوم سوداني جالي عته فجاة وقومت شايل كوم السوداني وراميه في السله وبعد ما رميته ببص لقيت كوم القشر موجود😳 ماحدش يتخيل منظري كان عامل ازاي وقتها 
    ومن ساعتها لما يكون معايا سوداني باكل حبايه بحبايه
  8. كانت مسافر وانا رايح الموقف لقيت شاب كبير معرفة يعنى فضلت واقف اسهرا معاة نص ساعة وركبنا الباص اول ما ركبنا علطول قلت ادفع الاجرة انا عشان ميدفعليش صليت على النبي وجينا للم الاجرة جة الشاب دفع اتنين قولتو لع واللة دفعت خلاص دفعت واللة واللة دفعت خلاص بغباء امو يحسبنى دفعتلو انا احسبو دفع والسواق قاعد يقول فى واحد مدفعش وقعد يزعق ف الباص مين مين مين وفجاة وقف المكروباص ووزع الاجرة تاتى الشاب قلى انتا دفعت كااام واحد قولتلو واحد قلى يا ك·······
  9. انا مدمن قهوه فكان عندي كيس قهوه و مكنش فاضل غير شةيه يعملوا فنجان واحد المهم والدتي طلبت مني شاي و انا واقف جنب القهوه فحطيت الميه عالنار و حطيت السكر و الشاي فالكوبايه و القهوه خلص فبدل ما اصبها فالفنجان الفاضي حطيتها عالشاي و السكر و كانت اول مره اشرب قهوه بالشاي😂😂اللي هيسرق الاختراع دا هزعلوا
و كدا خلص الجزء الاول من مواقف اغبياء نتمني تكون عجبتكم و انشاء الله تتبعونا مع الجزء الثاني من مواقع اغبياء

عن المدونة

علي جو نكت مصريه جديده و كلها فيها محتوي جميل و هنا الصندوق الاسود للنكت علي مر التاريخ اتمني مع دخولك وسط اسره نكت مصريه ان تكون سعيد و تملاء السعاده في نفوس الاعضاء

0 تعليق على موضوع : مواقف اشخاص اغبياء الجزء الاول

  • اضافة تعليق

  • الأبتساماتأخفاء الأبتسامات

    إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

    إتصل بنا

    أقسام الموقع

    حمل تطبيقنا

    زوار المدونة

    إحصائيات المدونة

    جميع الحقوق محفوظة لـ

    نكت مصريه

    2017